Leviticus 24:1 ουοϩ α `πϭοις ςαϫι νεμ μωυςης εϥϫω `μμος

Leviticus 24:2 ϫε ϩονϩεν ετοτου `ννενϣηρι `μπιςραηλ ουοϩ μρουϭι νακ `νουνεϩ εβολ ϧεν ϩανϫωιτ ε `ϥτουβηουτ εϥτεννηουτ ευουωινι ετεμ μϩο `νουϧηβς

Leviticus 24:3 ςαβολ `μπικαταπεταςμα νςηου νιβεν ϧεν ϯςκυνη `ντε ϯμετμεθρε ουοϩ ευετεμμοϥ `νϫε ααρων νεμ νεϥϣηρι ιςϫεν πιναυ `ντε ϩαναρουϩι ϣα πιναυ `ντε ϩανατοουι `μπεμθο `μ`πϭοις εϥμην `νουνομιμον νενεϩ ϧεν νετενϫωου

Leviticus 24:4 εϫεν ϯλυχνια εττουβηουτ ερετενετεμ μϩο `ννιϧηβς `μπεμθο `μ`πϭοις ϣα πιναυ `ντε ϩανατοουι

Leviticus 24:5 ουοϩ ερετενεϭι `νουςεμιδαλιον ερετενεθαμιοϥ ν12. νωικ ερε `φουαι `φουαι `ννιωικ εουον ϣι 2. `νρεμητ νϧητϥ

Leviticus 24:6 ουοϩ ερετενεταλωου επϣωι νϫινταλο 2. 6 νωικ εϯουι ντοι εϫεν ϯτραπεζα εττουβηουτ `μπεμθο `μ`πϭοις

Leviticus 24:7 ουοϩ εϥεταλο εϩρηι εϫεν πιθεμα `νουλιβανος εττουβηουτ νεμ ουϩμου ουοϩ ευεϣωπι `νϫε νιωικ ευχη εϧρηι επϫινερφμευι `μ`πϭοις

Leviticus 24:8 `μπιεϩοου `ντε νιςαββατον ερετενεχαυ εϧρηι `μπεμθο `μ`πϭοις νςηου νιβεν ετοτου `ννενϣηρι `μπιςραηλ `νουδιαθηκη νενεϩ

Leviticus 24:9 ουοϩ εϥεϣωπι νααρων νεμ νεϥϣηρι ουοϩ ευεουομϥ ϧεν ουμα εϥουαβ νη εθουαβ γαρ `ντε νη εθουαβ νε φαι γαρ ϥϣοπ ναϥ εϥουαβ εβολ ϧεν νη ετουϣωτ μμωου νϣουϣωουϣι `μ`πϭοις `νουνομιμον νενεϩ

Leviticus 24:10 ουοϩ αϥι εβολ `νϫε `πϣηρι `νουςϩιμι νιςραηλιτις ουοϩ φαι νε ουϣηρι πε `ντε ουρεμνχημι ϧεν νενϣηρι `μπιςραηλ ουοϩ αϥμλαϧ ϧεν ϯπαρεμβολη `νϫε πι εβολ ϧεν ϯιςραηλιτις νεμ ουρωμι νιςραηλιτης

Leviticus 24:11 ουοϩ εταϥμουϯ επιραν `νϫε `πϣηρι `νϯιςραηλιτης αϥςαϩουι ουοϩ αυενϥ ϩα μωυςης ουοϩ `φραν `ντεϥμαυ πε ςαλωμιθι τϣερι νδαμβρι εβολ ϧεν τφυλη νδαν

Leviticus 24:12 ουοϩ αυϩιτϥ εϧρηι επιϣτεκο ϫε ντουϯϩαπ εροϥ εβολ ϩιτεν πιουαϩςαϩνι `ντε `πϭοις

Leviticus 24:13 ουοϩ α `πϭοις ςαϫι νεμ μωυςης εϥϫω `μμος

Leviticus 24:14 ϫε ανιουι εβολ μφη εταϥςαϩουι ςαβολ `νϯπαρεμβολη ουοϩ ουον νιβεν εταυςωτεμ ευεταλο ννουϫιϫ εϩρηι εϫεν τεϥαφε ουοϩ μαρουϩιωνι εϫωϥ `νϫε ϯςυναγωγη τηρς

Leviticus 24:15 ουοϩ ςαϫι νεμ νενϣηρι `μπιςραηλ εκϫω `μμος ϫε `φρωμι `φρωμι φη εταϥςαϩουι επεϥνουϯ εϥεϭι `νουνοβι

Leviticus 24:16 εϥϫω δε μφραν `μ`πϭοις ϧεν ουμου μαρουϧοθβεϥ ϧεν ϩανωνι μαρουϩιωνι εροϥ `νϫε ϯςυναγωγη τηρς `ντε νενϣηρι `μπιςραηλ ιτε ουϣεμμο ιτε ουρεμνϯμι ϧεν `πϫινθρεϥϫε ουα εφραν `μ`πϭοις μαρεϥμου

Leviticus 24:17 ουοϩ `φρωμι `φρωμι ετναϯ `νουερϧοτ `νουψυχη τηρς `ντε ουρωμι ουοϩ `ντεϥμου ϧεν ουμου μαρεϥμου

Leviticus 24:18 ουοϩ φη ετναϯ `νουερϧοτ `νουτεβνη ουοϩ `ντεϥμου μαρουϯ `νουψυχη ϧα ουψυχη

Leviticus 24:19 ουοϩ εϣωπ αρεϣαν ουαι ϯ `νουαϭνι `μπεϥϣφηρ ` μ`φρηϯ εταϥαις παιρηϯ ευειρι `ντεςϣεβιω

Leviticus 24:20 ουϧομϧεμ ϧα ουϧομϧεμ ουβαλ ϧα ουβαλ ουναϫϩι ϧα ουναϫϩι κατα `φρηϯ ετεϥναϯ `νουαϭνι `νουρωμι παιρηϯ ευεϯ ναϥ

Leviticus 24:21 ουοϩ φη ετναϯ `νουερϧοτ `νουρωμι ουοϩ `ντεϥμου ϧεν ουμου μαρουϧοθβεϥ

Leviticus 24:22 ουθμαιο `νουωτ εϥεϣωπι `μπιρεμνϯμι νεμ πιϣεμμο ϫε ανοκ πε `πϭοις πετεννουϯ

Leviticus 24:23 ουοϩ α `πϭοις ςαϫι νεμ μωυςης νεμ νενϣηρι `μπιςραηλ ουοϩ αυινι εβολ μφη εταϥςαϩουι ςαβολ `νϯπαρεμβολη ουοϩ αυςετ ωνι εϫωϥ ϧεν ϩανωνι `νϫε ϯςυναγωγη τηρς ουοϩ α νενϣηρι `μπιςραηλ ιρι κατα `φρηϯ ετα `πϭοις ουαϩςαϩνι μμωυςης